உள்ளம் என்பது கோவில்.

உள்ளம் என்பது கோவில்

உள்ளம் என்பது கோவில்---அதில்

உள்ளது நீதான் சாமி.

உன்னைத் தொலைத்துத் தேடு-பாவக்

கண்களை மறந்து கூடு.

இல்லை என்பதும் இருக்கின்றது.--அங்கே.

இருப்பதும் நீயே தெரிகின்றது.

இருண்ட உண்மை ஒளிர்கின்றது.—நெஞ்சம்

மருண்ட மாயை தெளிகின்றது.

கலையின் அம்சம் கோவிலது.--ஆசை

அலையும் நெஞ்சின் கூடலது.

தொலையும் பொய்மை ஆவலங்கு---தொலைந்து

தொடரும் மெய்மை தேடலங்கு.

கலையாய் உன்னை இரசித்திடத்தான்.--மெய்மை

நிலையாய் உள்ளம் வசித்திடத்தான்.
அமைதி சொல்லும் சிலைகளிலே--உந்தன்
அனுபவம் செதுக்கி படிக்கவைத்தான்.

 

சத்தியம் வாழும் இத்தரை-காவல்

சட்டமும் மன்றமும் தேவையா?

அறமே ஞானம் கல்வியாம்-ஆனவப்

புறமும் தீய்ந்த செல்வமாம்.

கொ.பெ.பி.அய்யா.